Croeso

Croeso i’n gwefan ymchwil ar brosiect Menopause Geographies a ariennir gan yr Academi Brydeinig. Mae’r wefan hon yn egluro beth mae’r ymchwil yn ei olygu ac yn cynnig rhagor o wybodaeth am ein canfyddiadau.

Daearyddiaethau’r Menopos Sut beth yw byw gyda’r menopos yn y DU gyfoes? Sut mae’n effeithio ar berthnasoedd menywod â’u cyrff a chyda phobl eraill? Sut mae’n llunio eu bywydau bob dydd? Mae’r cwestiynau hyn wrth wraidd yr ymchwil fanwl hon sy’n anelu at rannu profiadau bob dydd menywod o’r cyfnod cyn y menopos a’r menopos. Roedd y prosiect hwn yn cynnwys cyfweliadau â 40 o fenywod ar draws y pedwar safle astudio gwledig a threfol: Llundain, Bryste, Stroud (Swydd Gaerloyw) a Sir Fynwy wledig (De Cymru). Mae ein sampl yn cynrychioli menywod o wahanol oedrannau, ar draws gwahanol gefndiroedd bywyd a chefndiroedd ethnig a diwylliannol; mewn gwaith ac wedi ymddeol, a chyda gwahanol lefelau o gyfrifoldebau gofalu. Roedd tua thraean o’n cyfranogwyr (14) yn fenywod o liw ac roedd dwy ran o dair yn wyn. Trwy eu haelioni wrth rannu eu profiadau gyda ni, rydym yn gallu creu cipolwg ar y menopos fel profiad byw yn y DU heddiw. Rydym yn eich gwahodd i archwilio canfyddiadau cynnar a chynlluniau lledaenu o’r astudiaeth hon trwy’r tabiau uchod. Bydd dadansoddiad mwy manwl yn dod i’r amlwg drwy weddill 2025 ac i mewn i 2026.